GIUSEPPE MONFORTE-BUTTA'

 

Ha esordito da ragazzo col pubblicare un volumetto di sonetti dal titolo: "Exigua".
Giovanissimo, si diede con molta passione alla vita di giornalista, durandovi per circa 45 anni.
I suoi componimenti in rima e in prosa furono sempre interessanti e venivano letti a preferenza.
Pubblicava "Mbrogghi", sonetti siciliani, riscuotendo ammirazione per la freschezza e l'originalità della sua poesia.

L'anno 1925 dava alla luce presso la casa editrice "La Sicilia" di Messina un poema in terza rima siciliana dal titolo "Patri Franciscu".

Questo libro destò un coro unanime di ammirazione, sia per i pregi formali (purezza di dialetto, spontaneità di verso, rigore di rima), sia per il contenuto di leggiadra bellezza.

La critica, anche più severa, ne parlò come un avvenimento, tanto che molti si permisero di uguagliare "Patri Franciscu" a "Mirella" del Mistral.

(Mistral Frédéric 1830-1914, poeta francese. Il suo poema epico Mirella (1859), composto nella lingua nativa, gli valse il premio dell'Académie Française).
 
A far risaltare il pregio di questo stesso lavoro se ne riporta qui l'Inno Alla Croce. Dello stesso autore: D'estati - Mamma - Lu zzappuni

 

 

 

Cruci santa di Diu, si' biniditta:
        jietti li brazza pi li quattru venti,
        e va' a cunorti ogni ârma dirilitta.

Pi mari, supra di li bastimenti,
        la vila è misa a cruci, e 'ntra la vila,
        Cruci santa, Tu si' sempri prisenti.

La massara, tissennu la so' tila,
        p'ogni puntu di trama fa 'na cruci,
        chi cci assuma la robba, a fila a fila.

Lu bàlicu, ch'è to' divotu duci,
        porta quattru fogghiuzzi 'inta li ciuri
        e a forma di crucitta li ridduci.

O Cruci, chi pruteggi lu lavuri,
        l'aratu vosi la to' forma, e vosi
        macari un chiovu to', chiddu d'amuri.

Tu binidici siminati e rosi
        e li gran mari, e li ciumi d'argentu,
        e la terra, e lu celu, e tutti cosi...

Tu in ogni cori si'... cci duni abbentu...
        pirchì lu cori, ch'è 'nquattru spartutu,
        dintra, ha la cruci, pi sustinimentu...

O Cruci di Gesù crucifiggiutu,
        O santu Lettu di Gesù spiranti,
        Tu sula 'nta stu munnu duni aiutu...

O Cruci, fatta cu du' ligna santi,
        s'addinocchianu tutti a li to' pedi,
        li povireddi... e puru li rignanti...

Tu si' tanta amurusa... Tu pussedi
        tutti li gràzzii... E sempri ti nn'avvali,
        e un miràculu sempri lu cuncedi...

Santa bannera d'ogni capizzali,
        santa bannera d'ogni sipultura,
        davanti a Tia non c'è odiu, ne mali.

Pi Tia, o Cruci, lu munnu sempri dura,
        pirchì 'nzigni ad amari e a pirdunari,
        e a risurgiri doppu ogni svintura.